Friday, April 30, 2010

ഊരാക്കുടുക്ക്







വാ
ക്കിനും മറുവാക്കിനും
ഇടയിലെ ദൂരം
ജീവിതത്തെ നിര്‍ണ്ണയിക്കുന്നു
ഞാന്‍ ചെറുതാവുകയാണെന്നും
വലുതാവുകയാണെന്നും വാദമുണ്ട്

ലക്കു കല്ലിനും വെയിലിനും
ഇടയിലെ ദൂരം നനഞ്ഞ അമ്മ
അടുക്കളക്കും തീന്‍ മേശക്കും ഇടയിലെ ദൂരം വെന്ത അമ്മ
കുളി മുറിക്കും ഉറക്ക മുറിക്കും ഇടയിലെ ദൂരം കരഞ്ഞുതോര്‍ന്ന അമ്മ
പൂമുഖത്തിനും പടിക്കും ഇടയില്‍ കണ്ണു കടഞ്ഞ അമ്മ
മനസ്സിന്റെ ഞെരുക്കങ്ങളില്‍ നിന്നും അളിഞ്ഞ രക്തം വാര്‍ന്ന അമ്മ

പ്രണയത്തിലും ഇഴയുന്ന നിന്റെ വാക്കുകള്‍
അമ്മയുടെ കണ്ണിനു താഴെയുള്ള കറുത്ത ചിത്രത്തെ ഓര്‍മ്മിപ്പിക്കുന്നു
നിന്റെ വാക്കിനും എന്റെ വാക്കിനും
ഇടയിലെ ദൂരം എന്റെ ദിശ നിര്‍ണ്ണയിക്കുന്നു
കുരുങ്ങുന്നുവോ ഞാന്‍...?

ദൂരം ഒരു വേള ആശ്വസിപ്പിക്കുന്നു,
അസ്വസ്ഥമാക്കുകയും.
കൃത്യമാക്കപ്പെട്ടത് സുരക്ഷിതമാണ്,അരക്ഷിതവും
പക്ഷെ ,
ഒന്നു കുതറാന്‍ ഒന്നു കുതിക്കാന്‍ ഒന്നു പതറാന്‍ ഒന്നു തകരാന്‍................?

നിന്റെ വാക്കിനും എന്റെ വാക്കിനും ഇടയിലെ ദൂരം
എന്നെ നിര്‍ണ്ണയിക്കുന്നു
അമ്മയിലേക്കും
നിന്നിലേക്കും
ദൂരങ്ങള്‍ കൃത്യമാണ്
മാതൃത്വം എനിക്ക് പ്രണയമാകുന്നതങ്ങനെയാണ്

8 comments:

ഞാന്‍ ഹേനാ രാഹുല്‍... said...

നിന്റെ വാക്കിനും എന്റെ വാക്കിനും ഇടയിലെ ദൂരം
എന്നെ നിര്‍ണ്ണയിക്കുന്നു
അമ്മയിലേക്കും
നിന്നിലേക്കും
ദൂരങ്ങള്‍ കൃത്യമാണ്
മാതൃത്വം എനിക്ക് പ്രണയമാകുന്നതങ്ങനെയാണ്

രാജേഷ്‌ ചിത്തിര said...

ദൂരം നേര്‍ത്തില്ലാതെ ആവുന്നതും
പ്രണയം അതിന്‍റെ പീലി വിരിച്ചാടുന്നതും....
പ്രണയം മനസ്സാണല്ലോ ...

ദൂരം അളക്കാനാവാത്ത മനസ്സുകളുടെ ...

Basil Joseph said...

ആദ്യ വരികള്‍ വായിച്ചപ്പോള്‍ ഇനി വായിക്കെന്ടെന്നു തോന്നി....ദൂരങ്ങളുടെ നിര്‍വചനമാണ് വായിക്കാനുള്ള ആകാംഷ തന്നത്...നന്നായിരിക്കുന്നു.

Ranjith chemmad / ചെമ്മാടൻ said...

"നിന്റെ വാക്കിനും എന്റെ വാക്കിനും ഇടയിലെ ദൂരം
എന്നെ നിര്‍ണ്ണയിക്കുന്നു
അമ്മയിലേക്കും
നിന്നിലേക്കും
ദൂരങ്ങള്‍ കൃത്യമാണ്
മാതൃത്വം എനിക്ക് പ്രണയമാകുന്നതങ്ങനെയാണ്"
great...

ഞാന്‍ ഹേനാ രാഹുല്‍... said...

പ്രണയത്തിലും ഇഴയുന്ന നിന്റെ വാക്കുകള്‍
അമ്മയുടെ കണ്ണിനു താഴെയുള്ള കറുത്ത ചിത്രത്തെ ഓര്‍മ്മിപ്പിക്കുന്നു

തേജസ്വിനി said...

ചിലയോര്‍മ്മകള്‍.......

ഹേനാ...

sony said...

"പ്രണയത്തിലും ഇഴയുന്ന നിന്റെ വാക്കുകള്‍
അമ്മയുടെ കണ്ണിനു താഴെയുള്ള കറുത്ത ചിത്രത്തെ ഓര്‍മ്മിപ്പിക്കുന്നു
നിന്റെ വാക്കിനും എന്റെ വാക്കിനും
ഇടയിലെ ദൂരം എന്റെ ദിശ നിര്‍ണ്ണയിക്കുന്നു
കുരുങ്ങുന്നുവോ ഞാന്‍...?"

vazhi thetti nilkkunnavarude andhalippanu jeevitham.athukond disakal nirnayikkappedathirikkatte

സുനീത.ടി.വി. said...

നന്ന് ഹേന..ഇന്നാണ് ബ്ലോഗ് കണ്ടത്.ആശംസകൾ